“Эй мўминлар! Сўзларимни яхшилаб эшитингиз, яхши англангиз ва яхши муҳофаза этингиз. Раббингиз бирдир. Отангиз бирдир. Барчангиз Одамдансиз. Одам эса тупроқдандир. Ҳеч кимнинг бошқалардан устунлиги йўқдир. Шараф ва устунлик фақат фазилат иладир. ”
• Пайғамбаримиз Мухаммад саллалоҳу алайҳи вассалам ҳазратларининг Вадо хутбаларидан.

Дарҳақиқат охир замон дини бўлмиш муқаддас динимиз Исломда жамийки инсоният Одам Ато ва Момо Ҳаводан тарқалгани барчамизга уқтирилади. Муқаддас китобимиз “Қуръони Карим” да ундан олинги муқаддас китобларда ҳам шундай марҳамат қилинади. Аммо баъзи материалист олимлар яъни Дарвиннинг даҳриёна назариясининг тарафдорлари инсоният ибтидий одамсимон маймунлардан тарқалган деган давони хамон илгари суришади. Хатто мактабларимиздан олий ўқув юртларимизгача бу даҳриёна фикр ўқитилиб келинмоқда. Баъзи моддапарастлар фан ва дин ўртасига “Хитой девори” қўйишга ҳаракат қиладилар, аслида фан томонидан қилинган кашфиётлар бизга Аллоҳнинг мўъжизаларини англатадиган ва тасдиқлайдиган востилар эмасми? Фан ва техник тараққиёт асри бўлган ХХ асрда қилинган кашфиётларни амалга оширган олимлар қилган кашфиётларнинг асл моҳиятини Қуръони Каримда кўриб лол қолдилар бунга биз жуда кўп мисоллар келтиришимиз мумкин. Аммо бизда дунёвий фанларни ўқитиш баробарида бу каби фан оламидаги кашфиётлар ҳамон пинҳон қолмоқда. Лекин биз юқоридаги мавзумиздан оғишмаган ҳолда эътиборингизни қуйдаги маълумотга қаратмоқчимиз.
“Newsweek” журналининг 1988 йилги сонларидан бирида молекуляр биология соҳасида ўтказилган илмий тадқиқот ҳақида гап боради. Шундай қилиб илмий тадқиқот мобайнида олимлар инсон ДНК сининг халқаро генетик заҳирасини тўпладилар ва худудий ва ирқий хилма-хил хусусиятга эга бўлган аёллар ДНК си ўрганилганда, уларнинг ота-онасидан ўтган ирсий маълумотлардан ташқари уларнинг барчаси учун умумий хусусиятга эга бўлган ДНК ҳудудлари мавжудлиги исботланди. Яъни бу ДНК ҳудудлари бутун инсоният учун умумий бир хил хусусиятга эга ва бу тадқиқот хулосасига кўра инсонят бир онадан тарқалган. Бу эса ўз навбатида муқаддас китоблар Инжил ва Қуръонда марҳамат қилинган башариятнинг онаси Момо Ҳаво эканлиги илмий жиҳатдан тасдиқланди.
Бу каби тадқиқотларнинг яна бири ҳақида «Times» журналининг 1995 йилги сонларидан бирида гап боради. Бу сафар Аризона Унивеситетининг генетиги олим Мишель Хаммер худудий ва ирқий хилма-хил бўлган инсонларнинг Y хромосомалари гуруҳларини ўрганиб у ҳам бутун инсониятнинг аждоди бир экан деган хулосага келади. Шунингдек Мишел Хаммер:“ Бу тадқиқот Ер юзининг турли қисмларида яшаётган инсонлар одамсимон маймунларнинг тадрижий тарақиёти давомида шаклланган авлодларидир, деган назарияни инкор қилиши шубҳасиздир ” деб ёзади.
Хеч кимга сир эмаски бу фоний дунёга келишимиз билан ўз фаровонлигимизни таъминлаш мақсадида турли дунёвий касбларни эгаллаймиз. Ҳатто баъзиларимиз дунёвий илмларни моҳир билимдони сифатида юқори мартабларни эгаллаганмиз. Албатта илм эгаллаш ҳар бир инсон учун хосдир аммо дунёвий фанларни жоҳилона тарзда муққадас эътиқодимизга қарши қўйиш жоҳилликдан ўзга нарса эмасми. Шундай экан қачонгача биз ёшларимиз онгига фан ва диний қарашларни бир-бирига қарши қўйиб сингдириб келамиз. Бу каби жоҳилликдан кўра илмсизлик яхши эмасми!?. Хулоса ўрнида шуни айтмоқчимизки дунёвий фанларни эътиқодимизга қарши қўймайлик бу илмлар бизга Аллоҳ субҳонаҳу таъолонинг чексиз мўъжизаларни англаш востисидир ва ёш авлод таълим тарбиясида ҳам бунга эътибор қаратсак мақбул иш бўларди.

Бахтиёр.
Тошкент- 19. 03. 06.