Абу Заррнинг зуҳди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абдурраҳмон ибн Авф билан Абу Зарр Ғифорий розияллоҳу анҳумо учрашиб қолишди. Абу Зарр розияллоҳу анҳунинг кўп сажда қилишини билган Абдурраҳмон ибн Авф розияллоҳу анҳу унинг икки кўзининг ўртасини ўпди. Абдурраҳмон ибн Авф розияллоҳу анҳунинг кўп садақа қилишини билган Абу Зарр розияллоҳу анҳу унинг ўнг қўлини ўпди. Улар хайрлашишгач, Абдурраҳмон ибн Авф розияллоҳу анҳу хизматкорига пул солинган ҳамён бериб, уни Абу Зарр розияллоҳу анҳунинг олдига жўнатди ва: «Агар у пулни олса, озодсан», деди. Абу Зарр розияллоҳу анҳу ҳамённи олмади. Хизматкор унга: «Аллоҳ сизга раҳм қилсин, илтимос, олинг. Олсангиз, мен озод бўламан», деган эди, Абу Зарр розияллоҳу анҳу: «Сен-ку озод бўласан, аммо мен (дунёга) қул бўлиб қоламан-да», деди.
«Солиҳлар гулшани» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
