Қурбон ҳайити куни шаҳар автобус қатнови соат 4:30 дан ўз фаолиятини бошлайди
Юртимизда Қурбон Ҳайити 11 август якшанба куни нишонланади. «Тошшаҳартрансхизмат» компанияси маълум қилишича, «Ийд Қурбон ҳайити» байрамини кўтаринки руҳда ўтказиш, халқимизга муносиб шарт-шароит яратиш мақсадида мутасадди ташкилотлар томонидан қатор чора-тадбирлар белгиланган.
Қайд этилишича, компания томонидан Ҳайит кунлари пойтахт аҳлига қўшимча қулайлик яратиш мақсадида автобуслар қатнови 4:30 дан йўналишларга чиқарилади.
Жоме масжидлари атрофида «Тошшаҳартрансхизмат» мутасадди ходимларининг 5:00 дан 8:00 гача навбатчилиги ташкил этилади. Шунингдек, масжидлар олдидан ўтувчи йўлларда ҳаракат вақтинча чекланган тақдирда автобусларни мазкур ҳудудга яқин, йўловчилар учун қулай бўлган йўллардан ўтказиш чоралари кўрилади.
Эслатиб ўтамиз, Ҳайит намози соат 5:45 да ўқилади.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
