Зулматга нур бўлиб келган Ҳабибим!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Жаҳолат ёруғликка айланди у кун,
Ечилди юракдаги азалий тугун.
Барчани мафтун этиб ёқимли бир ун,
Зулматга нур бўлиб келган Ҳабибим!
Исломнинг йўлида қилиб ғазотлар ,
Аллоҳни билсин деб биздек авлодлар,
Соя солса ҳамки фисқу-фасодлар ,
Роббим сабр бер деб турган Ҳабибим!
Ҳар ишида Бисмиллаҳни мадҳ этган,
Кетса ҳамки ё умматим деб кетган,
Шафоатим кафолатдир деб айтган,
Кўз ёшлари уммон бўлган Ҳабибим!
Қуръон оятларин бизга етказиб ,
Нафрат аламларни дилдан кетказиб,
Қанча қора кунни бошдан ўтказиб ,
Алҳамдулиллаҳ деб айтган Ҳабибим!
Ҳайронман не бўлди биз инсонларга!?
Бунча меҳр қўймасак ёлғон дунёга?
Барибир қайтурмиз Роббим Аллоҳга !
Шундай деб даъватлар қилган Ҳабибим!
Узрлар айтамиз ё Расулаллоҳ,
Йўлингиздан адашдик биз ожиз гумроҳ,
Бизни кечирсин деб ҳаким зот Аллоҳ,
Ҳамиша дуода бўлган Ҳабибим!
Азиз Мансуров
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
