Ватани аслий
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол: Ўртоғим Тошкент шаҳрида ўқийди, ҳали уйланмаган. Келажакда Тошкентда яшаб қолмоқчи. Тошкентга бориш-келишда намозларини қаср ҳолатда адо этади. Шахсий ишлари юзасидан ёки ота-онасини зиёрат қилгани 7-10 кунга Хоразмга келса, Хоразмда муқим ҳисобланадими ёки мусофир?
ЖАВОБ: Бисмиллаҳир Роҳманир Роҳийм
Ҳанафийларнинг энг машҳур китобларидан бири бўлмиш «Бадоъиус-саноиъи фий тартибиш-шароиъи» китобида қуйидагилар айтилган:
«Ватани аслий битта ёки кўп бўлиши мумкин. Бировнинг икки юртда ҳам ҳовлиси ва аҳли бор. Аҳлининг ундан чиқиш нияти йўқ. Агар у йил бўйи аҳлидан аҳлига ўтиб юрадиган бўлса ва аҳли бор бир юртдан аҳли бор иккинчи юртга сафар қилишни ният қилса, ўз-ўзидан муқим бўлиб қолаверади.
«Фатавойи Ҳиндийя» китобида қуйидагилар айтилган:
«Агар аҳли ва кўч-кўлони билан бошқа тарафга кўчиб кетса ва аввалги юртида ҳовлиси ва кўчмас мулки қолса, ўша аввалги юрт ҳам унга ватанлигича қолади. Бунга имом Муҳаммад раҳматуллоҳи алайҳи китобда ишора қилган».
Шунга биноан, ўртоғингиз ўз уйига борганда муқим ҳисобланади. Валлоҳу аълам.
«Зикр аҳлидaн сўранг» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
