Гўзал ризқ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
«Ризқларнинг гўзали молу дунё эмас, балки - руҳ хотиржамлиги, ақл нури, баданнинг соғлиги, қалб самимийлиги, фикрнинг саломатлиги, она чақириғи, отанинг илтифоти, ака-уканинг борлиги, бола кулгиси, дўстнинг аҳамияти, Аллоҳ йўлида муҳаббат қилувчи дўстнинг даъватидир. Аллоҳ мана шундай ризқ билан неъматлантирсин!»
Муҳаммад Мутаваллий Шаъровий
Афсуски, ризқ деганда кўпчилик фақатгина озиқ- овқат, кунлик егулик, молу дунё деган нарсаларни тушунади.
Кунлик егулиги бўлсада, ортиқча ҳою-ҳаваслари амалга ошмагани учун ўзини камситилгандек ҳис қилади. Аммо Аллоҳ таолонинг берган гўзал ризқларини унутади...
Қанчадан қанча молу дунё соҳиблари борки, руҳ хотиржамлиги - ҳаловати йўқ.
Мол-дунёси билан дунёни бошқаришга ҳаракат қилаётган, бироқ ақл йўналиши керак бўлган иймон неъматидан бегона, фикрлари бузғунчи, қалбида бошқаларга нисбатан нафрат, ота - она меҳридан ҳам, хизматидан ҳам бебаҳра, жажжи фарзандлар кулгисини, қаердадир унга интиқ бўлган яқин қардошини ёки муниса опа-синглисини ҳис қилолмаётган, дўстининг аҳамиятини сезмаётганлар қанча...
Дарҳақиқат, инсонни шукрга ундовчи неъматларнинг бири тафаккурдир.
Бизларга ризқларнинг гўзали ва тафаккур неъматини берган Роббимизга ҳамду-санолар бўлсин! Алҳамдулиллаҳ!
Ангрен шаҳар «Қорабоғ» жоме масжиди имом хатиби
Яҳёхон Бобохонов
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
