Саудиялик талаба ихтироси
Саудиялик Ренада Хусейн эшитиш қобилиятида нуқсони бор инсонларга автомобиль бошқаришда ёрдам берадиган мослама ихтиро қилди. Кинг Сауд университети тиббиёт факультети талабасининг ихтироси ташқаридаги автоуловлар товушларини тасвирлар ва ранглар кўринишида акустик сенсорли автомобиль экранига юборади.
«Бу ихтиро дунёдаги 644 миллион кар одамнинг кўзларидан товушларни сезиб, мустақил равишда рулга ўтиришига ёрдам беради. Бу эшитиш қобилияти паст бўлганлар ва атрофдагилар дуч келадиган хавфларни камайтиради», дея таъкидлади Ренада Хусейн.
Ушбу ихтиро учун Хусейнга интеллектуал мулк ташкилотининг Бутунжаҳон кубоги 2020 йилда дунёдаги энг яхши аёл ихтирочи сифатида топширилди.
У аввал 2019 йил Малайзия Халқаро ихтиро ва инновациялар кўргазмасида олтин медальни қўлга киритган ва 2020 йилда дунёдаги энг яхши ихтиро учун Корея халқаро олимпиадасида биринчи ўринни эгаллаган.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
