Президент Жо Байден Пайғамбаримиз Муҳаммад соллаллоҳу алайҳи васалламдан ҳадис иқтибос келтирди
Америка Қўшма Штатлари президенти Жо Байден «Миллион мусулмон овози» номли виртуал мулоқотда Пайғамбаримиз Муҳаммад соллаллоҳу алайҳи васалламдан ворид бўлган ҳадисни иқтибос келтирди. Бу ҳақда voi.id веб-сайти хабар берди.
Муҳаммад пайғамбардан келган бир ҳадисда: «Сиздан ким бир мункар ишни кўрса, қўли билан қайтарсин, агар қодир бўлмаса, тили билан қайтарсин, агар қодир бўлмаса, дили билан қайтарсин, ана ўша энг заиф иймондир», дея таъкидлади президент Байден.
Ушбу ҳадиснинг тўлиқ матни:
Абу Саъийд Худрий розияллоҳу анҳудан ривоят қилинади:
«Набий соллаллоҳу алайҳи васаллам: «Сиздан ким бир мункар ишни кўрса, қўли билан қайтарсин, агар қодир бўлмаса, тили билан қайтарсин, агар қодир бўлмаса, дили билан қайтарсин, ана ўша энг заиф иймондир», дедилар».
Бешовларидан фақат Бухорий ривоят қилмаган.
Байден ҳадисни қуйидагича талқин қилди: «Ҳақиқат излаётган киши учун ҳаётдаги энг муҳим нарса қалбдаги ишонч ва қатъиятдир».
У шунингдек, Исломни буюк таълим деб ҳам атади.
«Менимча муҳим бўлган нарсалардан бири, умид қиламанки, биз ўз мактабларимизда Ислом дини тўғрисида кўпроқ маълумот берамиз», деди Байден.
Бундан ташқари, Байден мусулмонларнинг АҚШга саёҳат қилишдаги бир қатор чекловларни олиб ташлашни, ҳукуматга мусулмонларни ҳам қўшишни ваъда берди.
Видеони қуйидаги манзилда кўришингиз мумкин:
thenews.com.pk/latest/740911-president-elect-joe-biden-quotes-beautiful-hadith-while-making-a-vow-to-muslims
Инглиз тилидан таржимон Низомиддин Муҳаммад
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
