Карантинда тўй қилмоқчимисиз?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Карантинда ихчам тўй қилиняпти, шунга тарғиб этиляпти.
«Тўйимда фалон нарса қилинмади, 5000 та одам айтилмади, тўйхонанинг олдида ноёб маркали машиналар турмади» деб ҳеч ким ўзини ўлдираётгани йўқ.
Доим тўйни ихчам қилайлик.
5-8 млн сўмдан оширмайлик.
Дабдаба, мақтаниш, исрофда мусобақа қилишни бас қилайлик!
Фарзандларнинг бахти тўйнинг дабдабали ўтишига боғлиқ эмаслигини ҳаммамиз биламиз-ку, ахир.
Мебеллар хорижники бўлмаса ҳам бахтли яшаса бўлади. Ахир ота-боболаримиз содда ҳаёт кечиришган. Аммо жуда баракали, ибодатли, тотув яшашган. Ўшандоқ ҳаётда ўнталаб фарзандни тарбия қилиб, жамиятга қўшишган.
Аксинча, сарф-харажатларни енгил қилиш, исрофдан, манманликдан сақланиш буюрилган. Чунки, бахт, оилавий иноқлик эр-хотиннинг ўз масъулиятини ҳис қилиши, ибодатли ҳаёт кечиришига боғлиқ.
Расулуллоҳ соллаллоҳу алайҳи васаллам айтдилар: «Никоҳнинг энг баракалиси чиқими енгилроғидир».
Байҳақий ривоят қилган.
Шунда қудалар ўртасида тоғоралар олди-бердиси ҳам камаярди.
Пул тежалгач, ортганига китоблар, рўзғорга керакли буюмлар сотиб олинарди.
Топиб келган ҳамма пулини ва етмаганига дўстидан олган қарзини ҳам тўйга ишлатиб, қарзни узиш, пул топиш учун Қозоғистон, Россия, Кореяга кетадиганлар камаярди.
Ойлаб, йиллаб отасининг меҳрига зор фарзандлар, фарзандини соғиниб, қийналган ота-оналар, эрининг висолига интиқ бўлган аёллар фироқ аламини тотишмасди.
Нозимжон Ҳошимжон
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
