«Исломга бағишланган умр» ҳужжатли фильмини кўриб...
Умрлар бор тириклигида ўликдир. Умрлар бор киши вафотидан кейин ҳам тирикдир...
Кеча таровеҳ намозидан қайтар эканман, телефонимда islom.uz канали орқали Шайх Муҳаммад Содиқ Муҳаммад Юсуф раҳимаҳуллоҳнинг умр йўлларини акс эттирувчи икки қисмдан иборат «Исломга бағишланган умр» ҳужжатли фильмининг намойиши ҳақидаги хабарга кўзим тушди. Уйга етиб боргунча сабрим чидамай, йўл-йўлакай томоша қилиб келдим.
Бир неча бўлимдан иборат мазкур фильмни томоша қилар экансиз, Ҳазратнинг яқинлари, дўст-қадрдонлари, шогирдлари ва замонамизнинг таниқли олиму фузалоларининг у киши ҳақидаги хотиралари орқали шайх Муҳаммад Содиқ Муҳаммад Юсуф шахсиятини қайтадан кашф этасиз. Бутун бошли бир жамоанинг узоқ вақтдан бери олиб борган ишларининг ҳосиласи бўлмиш бу фильм фақатгина бир кишининг ҳаётидан гапирмай, давр сиёсати, муаммолари, Ҳазратнинг атрофларида ўша пайтда авж олган фитналар ва у кишининг буларга қарши тутган оқилона йўллари ҳақида ҳикоя қилади. Бир сўз билан айтганда, бу фильм нафақат Исломга, балки оғир дамларда миллатимизнинг дину диёнатини сақлаб қолишга умрини бағишланган ҲАЗРАТИ ИНСОНнинг ҳаёт ҳикояси!
Тўрт соатдан ортиқ вақт давом этадиган бу фильмга кетган вақтингизга ачинмайсиз, иншааллоҳ...
Islomga bag'ishlangan umr 1-qism: https://youtu.be/KsQ8mTS7lbo
Islomga bag'ishlangan umr 2-qism: https://youtu.be/LUlhx4wXyu8
Маҳмуд Маҳкам
«Ҳилол» журнали масъул котиби
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
