Икки муборак масжидда зиёратчилар учун электр вагонлар ишга туширилди
Масжидул Ҳаром маъмурлари зиёратчиларга қулайликлар яратиш мақсадида жорий йилнинг 13 октябрь кунидан бошлаб кексалар ва жисмоний имконияти чекланган намозхонларни ташишда ёрдам берувчи электр вагонларни ишга туширишди.
Ушбу электр вагонлар юқори хавфсизлик талабига жавоб берадиган қурилмалар билан жиҳозлангани хабар қилинмоқда. Хусусан, зиёратчилар учун ишлаб чиқарилган юқори технологияли автомобиль яқин атрофдаги нарсаларни аниқлай оладиган мураккаб сенсорлар билан жиҳозланган ва тўқнашувларнинг олдини олиш учун мўлжалланган.
Саудиянинг SPA ахборот агентлиги хабарига кўра, узунлиги 2,9 метр ва эни 1 метр бўлган арава 30 километргача юра оладиган аккумуляторларда ишлайди. Бундан ташқари, шиша толали арава етти нафар йўловчини олиб юриши мумкин. Шунингдек, ҳайдовчилар хавфсизлигини таъминлаш мақсадида махсус эшиклар билан жиҳозланган.
Айни пайтда, электр аравачани махсус ўқитилган ҳайдовчилар бошқариши мумкин, бу эса зиёратчиларнинг хавфсизлигини таъминлайди.
Манба: theislamicinformation.com
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
