Мусофирга иқтидо қилиш
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол:
Ассалому алайкум! Ишхонамизда баъзилар 16 кун баъзилар эса 14 кун қолиб ишлайди. Мен 16кунлик ишдаман. Намозни жамоа билан ўқиганда қаср қилиб ўқувчи (14кун ишловчи) кишига бизлар (16кун ишловчи), яъни тўлиқ ўқувчилар иқтидо қиламиз. Имом 2-ракъатдан кейин салом берганида бизлар салом бермасдан туриб намозимизни давом эттирамиз ва 4-ракъатни тугал қиламиз. Шундай ўқишимиз тўғрими ёки алохида ўқиганимиз маъқулми?
Жавоб:
– Ва алайкум ассалом! Тўғри. Агар намоздан бошланишидан аввал бўлса, имомга ҳақлироқ одам ўтиши керак бўлади. Бунда муқим ва мусофир фарқи йўқ. Илмли, қироати яхшиси ўтиши керак. Иккиси ҳам илмли ва қироати тўғри бўлса, муқим имом бўлгани афзал. Жамоат намозни бошлаган бўлса ва имом мусофир бўлса, келган муқимлар унга иқтидо қилиб ўқишларининг зарари йўқ. Валлоҳу аълам!
«Зикр аҳлидан сўранг» ҳайъати
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
