«Yarrov Mamout» масжиди ҳақида биласизми?
Американинг Georgetown университетида у ердаги мусулмон талабаларининг эҳтиёжларини қондириш учун АҚШда биринчи бўлиб таҳоратхоналар билан таъминланган масжид очилди .
«Масжид Yarrov Mamout деб аталган бўлиб Америкадаги биринчи мусулмон шарафига қурилган. Бу даргоҳ 2019 йилда мусулмонларни ўз бағрига қабул қилишни бошлаган. Шунга қарамай, қурилиш ҳамда безатиш ишлари бу йил ўз ниҳоясига етди», деб маълумот беради Alegiae.org сайти.
Университет маъмурияти маълумотига кўра, масжид ўзаро диний қарашлар ва инсонларга бўлган эътиборни намойиш қилиш мақсадида бунёд этилган.
Бу даргоҳда таклиф-мулоҳазалар учун алоҳида жой, намозхона, жамиятдаги турли хил дин вакиллари билан суҳбат қуриш учун имкониятлар бор.
Масжидда беш вақт намоздан ташқари илмий ва диний суҳбатлар ҳам бўлади .Бу ўз ўрнида, Georgetown ҳудудидаги етти муқаддас жойлардан бири ҳисобланади.
Yarrov Mamout асли африкалик бўлиб, АҚШдаги мусулмонлардан бўлган. У 18-асрда Georgetownga асос солган ва шундан сўнг ўзининг диний эътиқодини, исломий қарашларини ривожлантириш учун ўз устида ишлашни бошлаган.
Шунингдек, Georgetown Америкада биринчи бўлиб имомларни, қориларни, домлаларни ишга қабул қилган университетдир. Имом Яҳё Ҳенди 24 ёшида у ерда имом сифатида иш бошлаган.
Мусулмонлар бу ерда ҳар куни беш маҳал намоз ўқишади. Кунлик ибодатлар алоҳида-алоҳида вақтларга ажратилган бўлиб, саҳарда бомдод намози билан бошланади.
2017 йил ҳисобига кўра, АҚШ аҳолисининг 1,1 фоизини, яъни 3.450.000 кишини мусулмонлар ташкил қилган. Шунингдек, мусулмонларнинг кўпчилиги жанубий-ғарбий қисмида истиқомат қилиши қайд этилган. Кейинчалик 2020 йилда бу миқдор 1,3 фоизга, яъни 4.450.000 кишига ўзгаргани маълум қилинган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
