«Hilol Nashr» нашриётига Индонезия делегацияси ташриф буюрди
2023 йил 7 декабрь куни пойтахтимизга Индонезия уламолар кенгашининг Жанубий Сулавеси провинцияси бўлинмаси раҳбари Ҳожи Нажмиддин бошчилигидаги делегация аъзолари ташриф буюришди.
Юртимиздаги азиз меҳмонлар зиёратлари давомида фазилатли шайх Муҳаммад Содиқ Муҳаммад Юсуф роҳимаҳуллоҳ томонидан асос солинган «Hilol Nashr» матбаа-нашриётининг бош дўконига ҳам келишди. Делегация аъзоларини нашриёт раҳбари Исмоилжон домла Муҳаммад Юсуф кутиб олдилар.
Учрашув асносида меҳмонлар бу ердаги диний-маърифий, адабий-бадиий асарлар билан яқиндан танишиб чиқдилар. Хусусан, «Тафсири Ҳилол», «Олтин силсила» асарлари ҳамда бошқа китобларни кўздан кечирдилар. Ташриф жараёнида Исмоилжон домла меҳмонларга фазилатли шайх Муҳаммад Содиқ Муҳаммад Юсуф роҳимаҳуллоҳнинг ибратли ҳаёт йўли ҳақида ҳикоя қилувчи «Исломга бағишланган умр» ҳужжатли фильм ҳақида маълумотлар бериб ўтдилар.
Учрашув сўнгида азиз меҳмонларга нашриётда чоп қилинган китоблар ҳадя қилинди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
