Матога тилла билан ёзилган Қуръон
Асли Озарбайжонлик бўлган рассом Тунзале Мамедзаде (Tünzale Memmedzade) хоним Қуръони Каримни ипак матога тилла билан қўлда ёзиб чиқди. Бу ҳақда @arabicuz манбаси хабар берди.
У бу ишни бутунлай янгича услубда амалга оширишга қарор қилган. Унинг айтишича, аввал бирор марта Қуръони Карим ипакка шундай қилиб ёзилмаган экан. Қуръони Каримни ёзишда у 50 метрга яқин қора ипак мато (transparent black silk) ва 1,5 литрга яқин олтин ва кумуш суви (ink) ишлатган.
Рассом аёл 2017 йилда 350 саҳифадан иборат, 29х33 см ўлчамдаги ипак матога Қуръонни ёзиб тугатган. Унинг бу иши 3 йил давом этган.
Мазкур асар АҚШдаги Смитсон музейининг Sackler галереясида «Art of the Qur’an: Treasures from the Museum of Turkish and Islamic Arts» кўргазмаси доирасида намойиш этилган.
Манбага кўра, рассом Тунзале Мамедзаде хоним Туркияда туғилган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
