Мазлумнинг дуоси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Уч дуо мустажобдир. Мазлумнинг дуоси, мусофирнинг дуоси ва ота-онанинг фарзандига қилган дуоси», - дедилар».
Шарҳ: Демак, дуони шу уч тоифадан сўраш керак экан, шу уч тоифанинг дуосидан қўрқиш керак экан.
Бундан ушбу уч тоифага мансуб шахслар билан бўладиган муомалаларда ўта ҳушёр бўлиш ва уларнинг ранжитмаслик ҳамда уларни хурсанд қилиб дуосини олиш пайидан бўлиш зарурлиги чиқади.
Албатта, мазлум – зулмга учраган кишига меҳр кўрсатиш, унга тушган зулмни кўтариш учун ҳаракат қилиш ҳар бир мусулмон учун муҳим ишдир. Ҳеч бўлмаса, унга ҳамдардлик кўрсатиш лозим. Аммо мазлумга ёмонлик қилиб унинг дуои бадига учрашдан сақланмоқ керак.
Мусофир ҳам сафари давомида турли қийинчиликларга учраб, Аллоҳга ёлбориб юриб, дуоси қабул бўладиган мақомга эришиб қолиши бор. У ҳам мазлумга ўхшаб ўзгаларнинг меҳрига ва ёрдамига муҳтож.
Мусулмон маданияти соҳиби бўлган шахс бундай кишиларга албатта, яхши муомалада бўлади. Унинг оғирини енгил қилиб, дуосини олишга ҳаракат қилади. Мусофирга ёмонлик қилишдан ва унинг дои бадига қолишдан ўзини олиб қочади.
Ота-онанинг ҳурмати, уларнинг хизмати ва дуолари ҳақида кўп ва зўп гапирилиган уларни такрорлаб ўтиришнинг ҳожати йўқ.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
