Айтилган жойга бормасликнинг ҳукми нима?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Акам билан бир уйда турамиз ва иккаламиз ҳам оилалимиз. Аёлларимизнинг дугоналари зиёфатга чақирганида улардан бирортаси бора олмаса, иккаласи ҳам бормасин, дейди акам. Биттаси бораверсин, десам у хафа бўлади, баъзида гаплашмай ҳам қўяди. Бизга маълумки, чақирилган жойга бориш вожиб. Илтимос айтинг, бу фитнадан сақланиш мақсадида вожиб амални тарк этса бўладими?
ЖАВОБ: Аввало чақирилган жойга бориш «вожиб» деган гапингиз ҳақида: агар чақирилган жой никоҳ тўйи бўлса, ҳанафий мазҳабидаги баъзи уламолар «бориш вожиб», дейишган. Кўпчилик уламолар эса «суннат» деган. Агар чақирилган жой никоҳ тўйидан бошқа маросим бўлса, унга бориш «мустаҳаб». Чақирилган жойга келинлардан бирининг бора олмаслиги иккинчисини ҳам манъ қилмайди. Иккинчиси бормаса, бунинг ҳеч айби йўқ (Аллоҳ билувчидир).
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
