"Однаклассники"га ҳеч қандай алоқамиз йўқ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассаламу алайкум, ҳурматли Шайх Ҳазратлари! Ҳозирги кунда кўпчилик фойдаланадиган однаклассники.ру сайтида «Олтин силсила» номли гуруҳ бор. Бу гуруҳда доимий тарзда исломий мақолалар бериб борилади. Баъзида ушбу сайтдаги сиз жавоб берган кўпчилик учун зарур бўлсан саволлар ҳам сизнинг жавобингиз билан биргаликда бериб борилади. Саволим шуки, бу гуруҳга сизни ёки Ислом.Уз сайтини қанчалик даражада алоқаси бор? Аллоҳ сизни жаннат билан мукофотласин!
Мен ва менга боғлик одамларнинг бирортаси Однаклассники сайтига ҳеч қандай алоқамиз йўқ. Минг афсуски, мусулмонликни даъво қилаётган баъзи кишилар сиз айтган ва яна бошқа бир қатор ижтимоъий тармоқларда менинг исмим ила ва китоб ҳамда сайтларимиз номи ила ўзларича фаолият олиб боришаётгани аччиқ ҳақиқатдир. Бундай қилиш мусулмонлик одобига мутлақо тўғри келмайди. Ҳар бир киши қиёматда, ҳар бир қилган ишидан сўралиши ҳақ эканини бир зум ҳам эсидан чиқармаслиги керак. Мен юқорида айтиб ўтган ишларни қилаёганлардан зудлик билан бу нотўғри ишларини тўхтатишларини сўрайман. Одамларни ўзига жалб қилиш учун бировларни норози қилиш жоиз эмас. (Шайх Муҳаммад Содиқ Муҳаммад Юсуф)
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
