Соч жинсий майлни қўзғатмайди, нега уни рўмолга яшириш жоиз
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум вараҳматуллоҳи вабаракатуҳ!
Аллоҳ йўлида ва Ислом динининг ҳақлигини қалбимизда ва биродарларимиз дилида кучайтириш ниятида муҳим саволимни баён қилмоқчиман.
Соч жинсий майлни қўзғатмайди, нега уни рўмолга яшириш жоиз, ахир кўз ва яноқлар очиқ туради-ку, яъни улар шаҳват қўзғатиши мумкин. (Нима тўғри десангиз шуни ҳақ йўлида Аллоҳ учун қабул қиламиз.)
ЖАВОБ: Бисмиллаҳир роҳманир роҳийм.
«Яшириш жоиз» дегани яшириш мумкин дегани бўлади. Умуман, кўпчилик «жоиз» сўзини тўғри ишлата олмайди. Сиз бу ерда «яшириш вожиб» дейишингиз керак эди. Ўшанда «яшириш мажбурий» деган маъно чиқар эди.
Муслима аёллар номарамлардан беркитиши керак бўлган аъзолар жинсий майлга боғлаб қўйилган, деган тушунчага бормаслик керак. Балки нимани беркитиш ёки беркитмаслик кераклиги шариат томонидан белгиланган.
Нима учун, деган савол берилганда жавобига «шаҳватни қўзғатгани учун» деган уламоларнинг гапи келтирилади. Юзни ҳам шаҳватни қўзғатадиган даражада пардоз ила очиб юришга рухсат йўқ. Балки ҳожат учун очишга рухсат берилган. Пайғамбаримиз алайҳиссалом Асма розияллоҳу ан-ҳога буни ўзлари қўллари билан кўрсатганлар. Валлоҳу аълам.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
