Ношукр эмасман, лекин кўпроқ ойлик тўлашларини талаб этишга ҳаққим борми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
САВОЛ: Мен бир ташкилотда ишлайман. Ўша ташкилотнинг тушумлари юқори даражада, лекин назаримда менга кам ҳақ тўлашяпти. Ношукр эмасман, лекин кўпроқ ойлик тўлашларини талаб этишга ҳаққим борми?
ЖАВОБ: Бисмиллаҳир роҳманир роҳийм.
Бундай ҳолатларда кўпроқ иш берувчи тараф билан ишчи ўртасида меҳнат шартномаси тузилади. Ишчининг қиладиган ишлари ҳажмига қараб иш берувчи билан тузилган шартномада ойликнинг қанча бўлишига келишилади. Бу икки тарафнинг розилиги билан бўлади. Лекин ташкилотнинг бойлиги ёки камбағаллиги шарт қилинмаган.
Аммо, йиллар ўтиши билан иш ҳажми ошиб ёки имкониятлар кўпайса, ойликни оширишни талаб этиб, илтимос қилинса, бу айб иш эмас. Балки икки тарафнинг аҳиллиги билан бу ишни амалга оширса яхши бўлади. Аллоҳ таоло мана шу айтган нарсаларимизни тўғри тушуниб амал қилишликни насиб этсин. Валлоҳу аълам.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
