Маҳмуд Варроқнинг жорияси
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Жоҳиз айтади: “Халифа Муътасим Маҳмуд Варроқнинг жориясини етти минг динорга сотиб олмоқчи бўлди. Маҳмуд қулфурушлик, аниқроғи, чўрифурушлик билан шуғулланар эди. Халифага жорияни сотишдан бош тортди. Маҳмуд вафот этгач, ундан мерос сифатида қолган жория Муътасим учун етти юз динорга сотиб олинди. Сотиб олинган жория халифанинг олдига кирди. Халифа унга: “Мен сени етти минг динорга сотиб олмасдан, хўжайининг вафот этишини кутдим. Вафот этгач, етти юз динорга сотиб олдим. Бунга нима дейсан?!” деди. Жория: “Агар халифа ўзининг шаҳватлари учун меросларни кутиб турадиган бўлса, менинг нархим етти юз эмас, етмиш динор бўлса ҳам қиммат ҳисобланади” деб жавоб берди. Халифа унинг бу гапидан мулзам бўлиб қолди”.
Ҳоний Ҳожининг “Солиҳлар ҳаётидан минг бир қисса”
китобидан Нозимжон Ҳошимжон таржимаси
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
