Қадарга иймон келтирмагунингча, комил мўмин бўлмайсан
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Валид ибн Убода айтадилар: “Мен отам Убода розияллоҳу анҳунинг ҳузурларига кирдим. У киши ўлим тўшагида ётган эдилар. “Эй отажон, менга астойдил васият ва насиҳат қилинг” дедим. Отам: “Мени ўтқизиб қўйинглар!” дедилар. Ўтқизиб қўйилгандан кейин шундай дедилар: “Эй ўғилчам, токи қадарнинг яхши ва ёмонига иймон келтирмагунингча, иймонинг тўкис бўлмайди ва Аллоҳни ҳақиқий маънода танимаган бўласан”. Мен: “Эй отажон, қадарнинг яхши ва ёмонини қандай биламан?” деб сўрадим. У киши: “Сенга етмаган яхшилик, аввалдан сенга етмаслиги ёзилганини, сенга етган ёмонлик, аввалдан сенга етмай қолмаслиги ёзилганини билишингдир. Эй ўғилчам, мен Расулуллоҳ соллаллоҳу алайҳи васалламнинг: “Аллоҳ биринчи яратган нарса қаламдир. Кейин У зот қаламга: “Қиёматгача бўладиган нарсаларни ёз!” деб буюрди” деганларини эшитганман. Агар қадарга иймон келтирмай ўлсанг, дўзахга кирасан” дедилар”.
Ҳоний Ҳожининг “Солиҳлар ҳаётидан минг бир қисса”
китобидан Нозимжон Ҳошимжон таржимаси
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
