Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Қалбда Аллоҳдан бошқага жой йўқ» деган гапни одамлар нотўғри талқин қилишади.

Аллоҳ таолога муҳаббатдан жуда кўп муҳаббатлар юзага келади:

1. Расулуллоҳ соллаллоҳу алайҳи васалламга муҳаббат – у зотни улуғлаш, суннатларига эргашиш ва кўп саловотлар айтиш.

2. Саҳобалар ва оли байт розияллоҳу анҳумга муҳаббат.

3. Мўминларга муҳаббат.

4. Ота-она, фарзандлар, аҳли аёл ва қариндошларга муҳаббат.

5. Солиҳ амалларга муҳаббат.

6. Ҳаром йўл билан топишга, яхшиликларга сарфлашдан тўсишга ундамайдиган ҳамда закот ва садақадан тўсмайдиган мол-давлатга муҳаббат.

7. Меҳнатга муҳаббат - бекорчиликни ёқтирмаслик.

8. Инсоннинг ўзига муҳаббат, саодатга элтувчи тоат-ибодат сари ҳаракат қилишга, бадбахтликга сабаб бўлувчи маъсият-гуноҳлардан узоқлашишга муҳаббат.

9. Ватанга муҳаббат.

10. Аллоҳ ва Унинг Расулига муҳаббатидан қайнаб чиққан комил мусулмонликка муҳаббат.

Аллоҳим! Сенинг муҳаббатингни, Сени севганларнинг муҳаббатини ва Сенга яқинлаштирадиган солиҳ амалларнинг муҳаббатини сўрайман.

Доктор Муҳаммад Содиқ Дарвеш

Муҳаммад Али Муҳаммад Юсуф таржимаси