Бақара сураси, 51-52-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ва Мусо билан қирқ кечага ваъдалашганимизни, у(кетгани)дан сўнг золим бўлган ҳолингизда бузоқни (илоҳ) тутганингизни эсланг!
Сўнгра ўшандан кейин ҳам сизни афв этдик, шоядки, шукр қилсангиз. Бақара 51-52.
Мусо алайҳиссалом Аллоҳ таолонинг амрига мувофиқ, Бану Исроилни қутқариб, Мисрдан олиб чиқдилар. Сўнгра Жаноби Ҳақ Ўз пайғамбари ила роз айтишга ваъдалашди. Мусо алайҳиссалом ваъдага биноан, келишилган жойга кетишлари билан Бану Исроил бузоқни худо деб тан олдилар, уни илоҳ тутдилар. Бу қисса Тоҳо сурасида батафсил келган. Бу ерда эса уларга бир эслатма тарзида ва шундан кейин ҳам раҳм қилиб, уларни афв этгани улуғ бир неъмат эканини ёдга солиш мақсадида қисқача зикр этилди. Айни чоғда, уларга Фиръавннинг азобидан қутқарган Аллоҳга ва Унинг пайғамбари Мусога итоат этмай, бузоқни худо қилиб олишлари ўзларига зулм экани ҳам эслатилмоқда.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
