Бақара сураси, 92-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Батаҳқиқ, Мусо сизларга очиқ-ойдин мўъжизалар ила келди. Сўнгра, шундан кейин ҳам золим бўлган ҳолингизда бузоқни (илоҳ) тутдингиз. Бақара 92.
Ушбу оятда Бану Исроилнинг даъвоси ёлғон эканига энг катта далил келмоқда. Мусо алайҳиссалом уларга келган биринчи ва энг катта, азийматли пайғамбардирлар. Уларни Фиръавннинг зулмидан қутқарган шахс ҳам шу кишидир. Айни чоғда, Аллоҳ таоло у зотни ҳақиқий пайғамбар эканларини тасдиқловчи кўпгина равшан мўъжизалар билан юборди. Шуларни кўра-била туриб, Мусо алайҳиссалом Тур тоғига Аллоҳ билан роз айтишгани кетганларида, улар ўзларига бузоқни худо деб тутдилар. Бу эса ниҳоятда катта зулм эди. Шундай ишни қилган қавмнинг «Биз ўзимизга тушган нарсага иймон келтирамиз» деган даъвосига ишониб бўладими?!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
