Бақара сураси, 111-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ва улар: «Жаннатга яҳудий ва насоро бўлганлардан бошқа ҳеч ким зинҳор кирмас», – дедилар. Бу уларнинг хом хаёлларидир. «Агар ростгўй бўлсангиз, далилингизни келтиринг», – деб айт. Бақара 111.
Кейинроқ келадиган оятларнинг хабарига кўра, аслида яҳудийлар «Жаннатга яҳудийлардан бошқа ҳеч ким кирмайди», – деганлар. Насронийлар ҳам «Жаннатга насронийлардан бошқа ҳеч ким кирмайди», – деганлар. Иккала қавмнинг ҳам даъвоси бир хил бўлгани учун бу оятда уларнинг гапларини қўшиб, бирга келтирилмоқда.
«Ва улар: «Жаннатга яҳудий ва насоро бўлганлардан бошқа ҳеч ким зинҳор кирмас», – дедилар».
Аммо ҳар икки тоифанинг ҳам гапи хом хаёлдан бошқа нарса эмас.
«Бу уларнинг хом хаёлларидир».
Уларнинг ҳеч бирида айтаётган гапини, яъни ўзининг жаннатга киришини тасдиқловчи ҳужжат – далил йўқ. Шу ҳақиқатни тасдиқлаш учун Аллоҳ таоло Ўз Пайғамбарига хитоб этиб:
«Агар ростгўй бўлсангиз, далилингизни келтиринг», – деб айт», – демоқда.
Хўш, жаннатга кимлар киради ўзи? Улар айтаётгандек, фақат яҳудий ёки насроний бўлганларми?
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
