Ҳиндистонлик хаттот Қуръони карим учун 70 кг олтин сарфлади
Қатарда истиқомат қилаётган асли ҳиндистонлик бўлмиш хаттот етти йилда Қуръони каримни қўлда кўчириб ёзиб чиқишга муваффақ бўлди ва уни безаш учун 18 карат олтин ишлатди, деб хабар беради Қатарнинг маҳаллий Ал-Рая газетаси.
Авваллари турли мавзуларда хаттотлик қилиб келган Муҳаммад Султон шайх Қуръони каримга бўлган муҳаббати боис асосий эътиборини диний мавзудаги санъатга қаратди. Унинг айтишича, Қуръони каримни ўз ҳисобидан чиройли шаклда ёзиб чиқишни ният қилган. Каломуллоҳни ёзиш ва дизайн ишларини бажаришда компьютердан мутлақо фойдаланмаган. Барча ёзув ва рақамлаш ишларини қўлда бажарган. «Кейин олтиндан ясалган мунчоқ доначаларини жойлаштириб чиқдим», дейди хаттот. У Қуръони карим учун Америкадан 18х24 ва 22х30 ҳажмидаги махсус қоғозлар келтирган. Ҳар бир жузнинг оғирлиги 25 кг.га тенг бўлиб, умумий оғирлиги 750 кг.ни ташкил этади.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
