Ҳикматлар – ҳақиқатга етаклар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Абу Бакр розияллоҳу анҳу дейдилар:
Табассум – ишонч калити, ҳадянинг чироғи.
Инсоннинг сўзи ақлининг баёни, фазилатининг таржимонидир.
Инсоннинг фазилати унинг тўғрилигидан билинади.
Кенгашда тўғри гапир, фикрлар тўғри бўлсин.
Дўстингга дўст ва ҳаммага бир хил муносабатда бўлгин.
Халққа яхшилик қилиш балою офатлардан сақланишга кафолатдир.
Нима деганингга ва қачон гапирганингга эътиборли бўл!
Ёмон қўшни сирингни ёяди, махфий пардаларни очади.
Мазлумнинг дуоибадидан албатта қўрқинг.
Ишонч – омонат, мунофиқлик – хиёнат.
Ҳақни таниганларга тобеъ бўл.
Зулм, аҳдга вафо қилмаслик ва ҳийла кимнинг феълида учраса, нима қилса қилсин, зиёни ўзига тегади.
Омонатни асраш энг гўзал тўғриликдир. Ёлғон – хиёнатнинг бошланиши.
Чин дунёга бормай туриб, яхши нарсалар ҳозирлангки, борганингизда қаршингиздан чиқсин.
Умрини фойдасиз, беҳуда ишларга сарфлаган далага уруғ қадаш вақтини ўтказиб, ҳосил йиғиш пайтида пушаймон қилаётган деҳқонга ўхшайди.
Ҳаромни тарк этиш ҳалол исташдан кўра яхшироқдир.
Аллоҳдан афв ва офият сўранг. Чунки мўминга иймондан кейин афв ва офиятдан яхшироқ нарса берилмагандир.
islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
