Молни тарқатишга тўплаган одам ҳақлироқ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳорун ар-Рашид ҳажга бориб, Маккада Фузайл ибн Иёзнинг эшигини қоқди. Эшик очилмади. Жаъфар Бармакий: «Итоат қилишингиз вожиб бўлган одамга эшикни очинглар!» деди. Фузайл ибн Иёз буни эшитиб, Ҳорун ар-Рашид келганини билди. У эшикни очди, иккиси узоқ гаплашиб ўтиришди. Кейин у Фузайл ибн Иёзга ўн минг дирҳам беришни буюрди. Лекин Фузайл уни қабул қилмади. Ҳорун ар-Рашид: «Олинг, камбағалларга тарқатиб юборарсиз», деди. Фузайл ибн Иёз: «Уни тарқатишга тўплаган одам ҳақлироқдир», деди. Бироздан сўнг Фузайл ибн Иёз пайт пойлаб, уйдан чиқиб кетди. Ҳорун ар-Рашид унинг чиқиб кетганидан бехабар, уйда қолаверди. Ҳорун ар-Рашид Маккадан чиқиб кетмагунча Фузайл ибн Иёз унга кўринмади.
«Солиҳлар гулшани» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
