Малайзия Ўзбекистоннинг исломий меросини ўрганади
Ўзбекистоннинг диний тадқиқот муассасалари Малайзия Исломий Даъват Институти (IKIM) билан ҳамкорлик шартномасини имзолади. Бу ҳақда Ўзбекистон ТИВ матбуот хизмати хабар берди.
Ўзбекистон Ислом цивилизацияси маркази, Имом Бухорий халқаро илмий-тадқиқот маркази ва Ўзбекистон халқаро ислом академияси Малайзия Исломий Даъват институти билан ҳамкорлик шартномасини имзолади. Томонлар исломий меросни биргаликда ўрганишга, қўшма конференциялар, семинарлар ва Ўзбекистонда сақланаётган қадимий қўлёзмалар бўйича тадқиқотлар ўтказишга, шунингдек, маърифий исломни ўрганишга келишиб олдилар.
Малайзия Исломий Даъват институти раиси Аҳмад Саржи Ўзбекистон Малайзия илмий ва академик ҳамжамиятида катта қизиқиш уйғотишини таъкидлади. Ўзбекистонда сақланаётган 100 мингта қадимий ва ноёб қўлёзмаларни ўрганиш имконияти ҳақиқий исломни яхшироқ англашга имкон беради.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
