ТАЪЗИЯ ИЗҲОР ҚИЛАМИЗ
«Ҳилол» нашриёт-матбааси ҳамда Ислом.уз портали жамоаси Тошкент вилояти бош имом-хатиби, муҳтарам Хайруллоҳ домла Абдулмалик ўғлининг вафотлари муносабати билан марҳумнинг барча оила аъзоларига, қариндош-уруғларига, сафдошлари ва шогирдларига чуқур ва самимий таъзия изҳор этади.
Хайруллоҳ домла Абдулмалик ўғли кўп йиллар давомида юртимиздаги бир неча масжидларда, сўнгги йилларда эса Ўзбекистон мусулмонлар идорасининг Тошкент вилояти вакиллигида бош имом хатиб вазифасида хизмат қилиб келган, динимизнинг ривожига, Ватанимизнинг равнақига, масжидларимизнинг обод бўлишига катта ҳисса қўшиб келган етук дин пешвоси эдилар. Устозимиз, фазилатли шайх Муҳаммад Содиқ Муҳаммад Юсуф ҳазратларининг яқин, мухлис, вафодор шогирдларидан эдилар.
Умрини дин хизматига бағишлаган бу марҳум устозимизнинг тортган дардлари барча саҳву хатоларига каффорат бўлсин, Аллоҳ таоло бу олим бандасининг илм-маърифат тарқатишдек машаққатли ва шарафли меҳнатларини, барча солиҳ амалларини ўзларига садақаи жория қилиб, раҳматига буркасин, мағфиратига олсин, аҳли илмларга, илмига амал қилган уламоларга ваъда қилган ажру мукофотларидан баҳраманд қилиб, жаннатларига дохил айласин!
Ушбу оғир жудолик дамларида марҳумнинг аҳли байтларига, барча яқинларига, шогирдлари, сафдошлари ва мухлисларига Аллоҳ таолодан сабру жамил тилаймиз.
«Сабрлиларга хушхабар берингки, улар ўзларига мусибат етганда «Албатта, биз Аллоҳникимиз ва албатта, биз Унга қайтувчимиз», деганлардир».
Иннаа лиллааҳи ва иннаа илайҳи рожиъуун!
Islom.uz портали
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
