Набий алайҳиссалом масжидларида турли даврларда ёзилган Қуръон қўлёзмалари намойиш этилади
«Масжидул Набавийда ноёб қўлёзмаларнинг доимий кўргазмаси» тадбирининг очилиш маросимига сўнгги босқич тайёргарлик жараёни олиб борилмоқда. Бу ҳақда al ektisadiye сайти хабар берди.
Унда Масжидул Ҳаром ва Масжидул Набавий пайғамбар cоллаллоҳу алайҳи васалламга оид маълумотлар эълон қилинади. Шунингдек, қадимги исломий меросни ҳужжатлаштиришдан ташқари, Ислом дини дурдоналари ҳамда авлодлар учун араб ва Ислом ғоялари акс эттирилади.
Ҳарамайн ва Шарифайн маъмурияти Масжидул Ҳаром ва Масжидул Набавийнинг вакиллари билан ўзаро англашинув меморандумида Мадинага мамлакат ичкарисидан ва ташқарисидан ташриф буюриши мумкин бўлган зиёратчилар учун бошқа илмий дастурларни тайёрлади. Олимлар ва мутахассисларга қўлёзмаларнинг бутун араб тарихидаги ролини тушунтириб берадиган фойдали маълумотлар берилади.
Пайғамбар соллаллоҳу алайҳи васалламнинг масжидларидаги нодир қўлёзмаларнинг доимий кўргазмаси икки муқаддас масжид тарихини йиғиш учун дастлабки контекст бўлиб хизмат қилади. Жумладан, Пайғамбар соллаллоҳу алайҳи васалламнинг суннатлари, Ислом тарихи ва турли даврларда ёзилган Қуръон қўлёзмалари намойиш этилади.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
