Вақф хайрия жамоат фонди раҳбари Мир Арабга ташриф буюрди
2021 йил 08 февраль куни Вақф хайрия жамоат фонди раҳбари Яҳё домла Абдураҳмонов «Мир Араб ўрта махсус ислом билим юрти»га ташриф буюрди. Бу ҳақда билим юрти матбуот хизмати хабар берди.
Билим юрти мударрис ва талабалари билан ўтказилган учрашув чоғида Яҳё домла Абдураҳмонов илм олиш фазилати, устоз ва шогирд ўртасидаги муносабатлар ҳақида гапириб ўтди.
Жумладан, Мир Араб мадрасасининг Ўрта Осиё мусулмонларига қилган хизмати бу даргоҳда таҳсил олган уламоларни ёдга олиб, бугунги кунда таҳсил олаётган толиби илмлар ҳам буюк аждодларга муносиб ворислар бўлиб етишлари учун зарур тавсиялар берилди.
Учрашув сўнгида Вақф хайрия жамоат фонди томонидан билим юртининг фаол талабаларига китоблар ҳамда эсдалик совғалар топширилди ва мадраса кутубхонасига 32 173 200 сўмлик диний-маърифий китоблар хайрия қилинди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
