Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Инсон ҳужайрасининг ҳозиргача олинган энг сўнгги тасвири. Расм манбаси Гарвард университети (2020 йил, декабрь)

Расмда битта ҳужайранинг ички тузилиши акс этган. Худди ичида турли дизайндаги корхона, хиёбон, ранг-баранг дарахтлари бор шаҳарга ўхшайди.

Бизнинг ҳужайралар ҳеч қачон шакклланишдан тўхтамайди. Ҳужайралар тананинг қурилиш блокларидир. Ҳар сонияда инсон танаси 25 миллион янги ҳужайра ишлаб чиқаради. Таққослаш учун, танамиз ҳар 13 сонияда Қўшма Штатлар аҳолиси сонидан кўпроқ ҳужайра ишлаб чиқаради.

Вояга етган инсон танасида тахминан 40 триллиондан ортиқ ҳужайра бор.

Инсонлар, жонзотлар, ўсимликларнинг ҳар бирини бир бино деб тасаввур қилсак, уларнинг ғишти ҳужайра.

Қани айтингчи, жонзотлар, ўсимликлар танасидаги асосий вазифалардан бирини бажарувчи митти ҳужайрани ким яратган?

Уни ким организм танасидаги муҳим вазифаларни дангасалик қилмай бажарадиган қилиб қўйган?

Албатта, Аллоҳ таоло!

Баъзи ҳужайраларни микроскопсиз кўрса бўлади. Аммо кўпларини микроскопсиз кўриш қийин.

Танамизнинг энг муҳим аъзоси бўлган, кўпларини микроскопсиз кўриб бўлмайдиган ҳужайранинг ичига бизга маълум ва номаълум нарсаларни жойлаб, ҳар бирига вазифасини юклаган Аллоҳ қодир, пок зотдир!

Нозимжон Ҳошимжон тайёрлади