Юртимизнинг бир гуруҳ уламолари АҚШга ташриф буюрадилар
Ўзбекистонлик бир гуруҳ уламолар ва имом-хатиблар Рамазон тадбирларида иштирок этиш учун Америка Қўшма Штатларига ташриф буюради. Бу ҳақда АҚШнинг Флорида штатида ўзбекзабон ватандошлар томонидан очилган «Al-Bukhari islamic center» масжиди маъмурияти хабар берди.
«Ассалому алайкум ҳурматли ватандошлар, қадрли ўзбекзабон дин қардошлар! Сизлар учун ажойиб хушхабар.
Бу йилги Рамазон ойини ҳар йилгиданда шукуҳли ўтказиш мақсадида ўзбекистонлик 10 га яқин устозлар Америка Қўшма Штатларига ташриф буюрмоқда», – дейилади хабарда.
АҚШдаги Рамазон тадбирларида қуйидаги уламолар қатнашиши маълум қилинган:
1. Муҳаммад Айюбхон домла Ҳомидов
2. Исҳоқжон домла Бегматов
3. Жалолиддин домла Ҳамроқулов
4. Исмоил домла Муҳаммад Содиқ
5. Ҳасан домла Қодиров
6. Қосимжон қори Каримов
7. Абдулҳамид домла Жуманов
8. Анвархон қори Заитов
Уламолар АҚШнинг қуйидаги шаҳарларга ташриф буюради:
• 20 апрель – пойтахт Вашингтонда;
• 21 апрель – «Isabet Academic Campus» – Филаделфия, Пенсилвания штати;
• 22 апрель – Ню-Йорк шаҳрида;
• 23 апрель – Cинcиннати, Огаё штати;
• 24 апрель – Shalimar Banquets – Чикаго, Иллинойс штати;
• 25 апрелдан – 2 майга қадар – «Al-Bukhari islamic center» – Орландо, Флорида штатида бўлишади.
Уламолар ташриф манзилларининг геолокацияси билан ушбу ҳавола (https://t.me/uamaalbukhari/4194) орқали танишишингиз мумкин.
Маълумот ўрнида Ал-Бухорий ислом маркази 2018 йилда АҚШнинг Орландо шаҳрида яшовчи ўзбекзабон мусулмонлар томонидан очилган масжид ва марказ ҳисобланади. Марказ 2020 йил май ойида Сардоба сув тошқинида жабр кўрган, уйсиз қолган одамларга ёрдам ажратган эди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
