Шайх Муҳаммад Содиқ Муҳаммад Юсуф хотирасига бағишланган «Пешқадам» лойиҳаси амалга оширилмоқда
Muslimat.uz сайти, Bintu Sodiq ҳамда Muallim media ижтимоий-маърифий каналлари раҳбари Одинахон Муҳаммад Содиқ томонидан Шайх Муҳаммад Содиқ Муҳаммад Юсуф хотирасига бағишланган «Пешқадам» лойиҳаси амалга оширилмоқда.
Лойиҳа жуда катта ва кенг кўламли, кўп тармоқли ва энг асосийси, кенг оммага мўлжалланган. «Пешқадам карвони» лойиҳаси жамиятда хотин-қизлар фаоллигини ошириш, уларнинг илм-фан соҳасида билим олишларига кўмаклашиш, китобхонликни тарғиб қилиш мақсадида ташкил этилди.
Лойиҳадан кўзланган асосий мақсадлардан яна бири – фазилатли шайх Муҳаммад Содиқ Муҳаммад Юсуф раҳимаҳуллоҳнинг илмий меросларини бутун Ўзбекистон бўйлаб, қолаверса, бошқа юртлардаги ўзбекзабон мусулмонларга тарқатишдан иборат.
«Пешқадам карвони» лойиҳаси барча учун мўлжалланган бўлиб, иштирокчи ўз имкониятидан келиб чиққан ҳолда унинг бирорта бўлимини танлаши мумкин.
Лойиҳа беш йўналишдан иборат:
1. Кутубхоналар ташкил қилиш, уларни китоблар билан таъминлаш;
2. Китобхонлик мактаби ва унинг қошида тадбирлар ташкиллаштириш, Ҳазратимизнинг китобларини ўқиб ўрганишда аёл-қизларимизга кўмак бериш;
3. Ҳазратимизнинг асарлари борасида илмий ишлар ёзиш.
4. Ҳазратимизнинг медиа соҳасида амалга оширган ишларини кенг тарғиб қилиш.
5. Турли соҳаларда аёл-қизларимиздан мутахассислар етишиб чиқишига кўмак бериш.
Лойиҳага аъзо бўлишни истаганлар қуйидаги ботга мурожаат қилишлари мумкин: https://t.me/peshqadam_karvoni_bot
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
