«Чичек» масжиди ҳақида эшитганмисиз?
Невшеҳирнинг Эсентепе туманидаги «Ташлибал» жомеъ масжиди имом-хатиби Ахмад Айдамир масжидни ботаника боғига айлантирди.
Анадолу агентлиги хабарига кўра, у 1992 йил шу масжидда ўз фаолиятини бошлаган. 1995 йилда хобби мақсадида ўстирган гулларини имом-хатиб масжидга олиб кела бошлади.
Маҳалла аҳлининг кўмагида вақт ўтиши билан ботаника боғига айлантирилган масжиднинг номи икки йил аввал «Чичек» масжидига ўзгартирилди. Масжидда уч юзта гул тувакда 50 хил гул ва мевали ўсимликлар мавжуд.
Имом Ахмад Айдамир Анадолу агентлигига маълум қилишича, масжид маҳаллий аҳоли ва болалар учун янада жозибадор бўлганидан хурсанд эканини айтиб ўтган.
Айдамир бу асари учун ўтган йили Туркия Диёнат Жамғармаси томонидан берилган «Халқаро яхшилик мукофоти»ни қўлга киритганини изоҳлади. У мукофотни таърифлар экан:
«1995 йилда уйимдан гул олиб кела бошлаганман. Бу масжид жамоатчилигига ёқди, улар ҳам гуллар олиб келишди. Гуллар ва ўсимликлар ёзги курсга келган талабаларнинг эътиборини тортди. Ҳозирда маҳалламиздаги 300 нафар ўқувчи масжидда гул парвариш қилишади. Улар бу ерга гулларга ғамхўрлик қилиш учун келишади. Мақсадимиз масжидни ажиб гуллар билан безатиш, тирик мавжудотни, атроф-муҳитни гўзаллаштиришдир. Болалар ҳеч қачон ўз атроф-муҳитига зарар етказмайди. Ер юзидаги Аллоҳнинг уйлари ҳамма нарсанинг энг яхшисига лойиқдир. Ботаника боғига ўхшаган бу масжидда гуллар орасида намоз ўқиш бахтдир».
Маҳалла аҳолисидан бири Исмоил Эрдоғмуш, масжидга келганларни кираверишда гуллар билан кутиб олишлари ва манзаранинг уларга таъсир қилганини айтиб: «Аллоҳ Аҳмад Хўжадан рози бўлсин. Бу жойларни Аллоҳнинг фазли билан шу шаклга келтирди ва уларга бошқача безак берди. Бу ерда ибодат қилсангиз ўрмонлар орасида намоз ўқиётгандек бўласиз. Биз яшил майдонда вазифамизни бажаряпмиз, бундан жуда хурсандмиз», дейди.
Анқарадан келган ва «Чичек» масжидини зиёрат қилган Файзуллоҳ Окумуш: «Мен масжиддаги гулларнинг гўзаллигини атрофимдагиларга тушунтириш учун суратга олдим. Ҳар бир инсон гул ўстиради, бу билан шуғулланаётганда уларни парвариш қилиш ва сақлаш муҳим. Мен буни шу ерда гувоҳи бўлдим», дея таърифлаган. У ўз сўзи давомида «Аллоҳ сизни асрасин», ибораларни ишлатган.
Масжид имом-хатиби Ахмад Айдамир: «Агар сиз ҳар бир ишни завқ ва муҳаббат билан бажарсангиз, у ҳеч қачон бесамар бўлмайди», дейди.
Бомдод намозидан кейин имом Ахмад Айдамир ҳар бир ўсимликлар билан суҳбатлашиб чиқади. Унинг фикрича, турфа хил гулларнинг пайдо бўлиши масжидга ўзгача қиёфа бахш этади.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
