Уламолар бисотидан
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ислом оламидаги буюк шахсиятлардан бири, Усмонийларнинг энг сўнги муфтийси, илм борасида, таҳқиқ майдонида замонасининг етук имоми бўлган Муҳаммад Зоҳид Кавсарий роҳимаҳуллоҳ ҳаж зиёратига бормаганлар!
Шогирдлари аллома Абдулфаттоҳ Абу Ғудда роҳимаҳуллоҳдан имом Кавсарийнинг ҳажга бормаганларининг сабабини сўрашганида, у зот:
- Умрим мобайнида закотга қодир бўлмадиму, ҳаж қаёқда! деган эканлар.
Байрут муфтийси шайх Мустафо Нажо исломий мадрасалар ҳақида «Дўстларга насиҳат» китобида шундай ёзади: «Агар ушбу исломий мадрасаларда дин муҳофазаси ва эътиқод саломатлигидан бошқа комиллик бўлмаганда ҳам, ушбуларни ўзи кифоя қиларди». Асар 1319 ҳижрий йил Байрутда чоп этилган.
Ҳар бир одам билан бахслашавериш фиқҳдан эмас. Имом Шофеъий деди: «Ҳар бир бахс-мунозара қилган инсон билан мунозара қилавериш, ҳар бир сўз айтишган, тортишган билан тортишавериш илмни ерга уриш, хорлаш саналади». (Имом Байҳақийнинг «Маноқиби Шофеий» асаридан).
Фойдаланилган манба:
Arabic.uz
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
