Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ عَبْدِ اللهِ رَضِي اللهُ عَنْهُ قَالَ: ذُكِرَ عِنْدَ النَّبِيِّ صلى الله عليه وسلم رَجُلٌ فَقِيلَ: مَا زَالَ نَائِمًا حَتَّى أَصْبَحَ مَا قَامَ إِلَى الصَّلَاةِ، فَقَالَ: بَالَ الشَّيْطَانُ فِي أُذُنِهِ. رَوَاهُ الشَّيْخَانِ وَالنَّسَائِيُّ.

 Абдуллоҳ розияллоҳу анҳудан ривоят қилинади:

«Набий соллаллоҳу алайҳи васалламнинг ҳузурларида бир киши зикр қилиниб:

«Тонг отганда ухлаб ётди, намозга турмади», дейилди.

У зот соллаллоҳу алайҳи васаллам:

«Унинг қулоғига шайтон бавл қилибди», дедилар».

Икки Шайх ва Насаий ривоят қилганлар.

Намозга вақтида турмай, ухлаб ётиш қанчалик ёмон нарса эканлигини шу ҳадисдан билиб олсак бўлади. Ушбу ҳадисда келаётган гап бир кун Бомдод намозига турмай, ухлаб ётган киши ҳақидадир.

«Ҳадис ва ҳаёт» китоби асосида тайёрланди