«Турк» номини олган ўзига хос бир қавм
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ أَبي هُرَيْرَةَ رَضِي اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «لَا تَقُومُ السَّاعَةُ حَتَّى تُقَاتِلُوا التُّرْكَ، صِغَارَ الْأَعْيُنِ حُمْرَ الْوُجُوهِ ذُلْفَ الْأُنُوفِ كَأَنَّ وُجُوهَهُمُ الْمَجَانُّ الْمُطْرَقَةُ وَلَا تَقُومُ السَّاعَةُ حَتَّى تُقَاتِلُوا قَوْمًا نِعَالُهُمُ الشَّعَرُ». رَوَاهُ الْخَمْسَةُ فِي الْجِهَادِ.
Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам: «Кўзи кичик, юзи қизил, бурни пучуқ, юзи тери қопланган қалқонга ўхшайдиган туркларга қарши қитол қилмагунингизча Қиёмат қойим бўлмайди. Қил (юнг) кавуш киядиган қавмга қарши қитол қилмагунингизча Қиёмат қойим бўлмайди», дедилар».
Бешовлари ривоят қилганлар.
Шарҳ: Бу ерда айнан туркийлар эмас, балки «турк» номини олган ўзига хос бир қавм ҳақида, қилдан кийим киядиган алоҳида бир қавм билан бўладиган катта уруш ҳақида сўз кетмоқда.
وَلِأَبِي دَاوُدَ هُنَا وَالنَّسَائِيُّ فِي الْجِهَادِ: «دَعُوا الْحَبَشَةَ مَا وَدَعُوكُمْ، وَاتْرُكُوا التُّرْكَ مَا تَرَكُوكُمْ».
Абу Довуд ва Насоийнинг ривоятида:
«Ҳабашлар сизларни тек қўйса, сизлар ҳам тек қўйинглар. Турклар сизларни тек қўйса, сизлар ҳам тек қўйинглар», дейилган.
Шарҳ: Демак, бу ривоятда зикр қилинган қавмлар ўзлари бошламаса, мусулмонлар уларга қарши уруш очмайдилар.
وَلأَبِي دَاوُدَ: «اتْرُكُوا الْحَبَشَةَ مَا تَرَكُوكُمْ فَإِنَّهُ لَا يَسْتَخْرِجُ كَنْزَ الْكَعْبَةِ إِلَّا ذُو السُّوَيْقَتَيْنِ مِنَ الْحَبَشَةِ».
Абу Довуднинг ривоятида:
«Ҳабашлар тек қўйса, сизлар ҳам тек қўйинглар, чунки Каъбанинг дафинасини ҳабашистонлик, болдири ингичка одам чиқариб олади», дейилган.
Шарҳ: Бу ривоятда ҳам ҳабашларга тегмасликка даъват бор.
«Фитналар ва Қиёмат аломатлари» китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
