Энг афзал салавот
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
اللهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ كَمَا صَلَّيْتَ عَلَى إِبْرَاهِيمَ وَعَلَى الِ إِبْرَاهِيمَ إِنَّكَ حَمِيدٌ مَجِيدٌ * اللهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ إِنَّكَ حَمِيدٌ مَجِيدٌ .
Аллоҳумма, солли ъала Муҳаммадин ва ъала али Муҳаммад, кама соллайта ъала Иброҳийма ва ъала али Иброҳийм, иннака Ҳамийдум-Мажийд. Аллоҳумма барик ъала Муҳаммадин ва ъала али Муҳаммад, кама барокта ъала Иброҳийма ва ъала али Иброҳийм, иннака Ҳамийдум-Мажийд.
Маъноси: Аллоҳим! Ҳазрати Муҳаммадга ва ҳазрати Муҳаммаднинг оилалари (аҳли)га салот (раҳмат) айла, мисли Иброҳимга ва ул зотнинг оилалари (аҳли)га салот (раҳмат) айлаганингдек! Албатта Сен ҳамдга лойиқсан, шарафи буюк Зотсан. Аллоҳим! Ҳазрати Муҳаммадни ва ҳазрати Муҳаммаднинг оилалари (аҳли)ни муборак қил, мисли Иброҳимни ва ул зотнинг оилалари (аҳли)ни муборак қилганингдек! Албатта Сен ҳамдга лойиқсан, шарафи буюк Зотсан.
(Бухорий, «Анбиё», 10, р. 3370. Қаранг: Муслим, «Салот», р. 66-69; Абу Довуд, «Салот», 183, р. 976-979; Термизий, «Салот», 351, р. 483; «Тафсийрул-Қуръон», 34, р. 3220; Насоий, «Саҳв», 49-54, р. 1285-1294; Ибн Можа, «Салот», 25, р. 903-906; «Муватто», «Қасрус-салот», р. 66-67; Аҳмад ибн Ҳанбал, IV, 241, р. 18105.)
«Малавон» салавоти олтмиш минг, «Баҳри анвор» салавоти юз минг даражага эга эканини ўйласак, севикли Пайғамбаримиз соллаллоҳу алайҳи васалламнинг ўзлари ўз муборак лафзлари билан билдирган ва барча ҳадис китобларида келган бу салавоти шарифнинг даражаси нечоғ юксак эканлигини англаймиз. Бу муборак салавотнинг ҳар намозда айтилиши бежиз эмас.
Бунинг бошқа қисқароқ шакли ҳам бўлиб, уни Заҳируддин Муҳаммад Бобур «Мубайян» асарида келтирганлар:
Аллоҳумма солли ъала Муҳаммадин ва барик ъала Муҳаммадин ва ъала али Муҳаммад, кама соллайта ва барокта ва салламта ъала Иброҳийма ва ъала али Иброҳийм, Роббана, иннака Ҳамийдум-Мажийд.
Маъноси: Аллоҳим! Ҳазрати Муҳаммадга ва ҳазрати Муҳаммаднинг оилалари (аҳли)га салот (раҳмат) айла, ҳазрати Муҳаммадни ва ҳазрати Муҳаммаднинг оилалари (аҳли)ни муборак қил, мисли ҳазрати Иброҳимга ва ул зотнинг оилалари (ахли)га салот (раҳмат) айлаганингдек ва муборак қилганингдек! Албатта, Сен ҳамдга лойиқсан, шарафи буюк Зотсан.
Ахли суннат вал-жамоа мазҳабида бу салавот мавжуд, аммо ҳазрати Имом Аъзам раҳматуллоҳи алайҳ намозда юқоридаги салавотни, яъни биринчисини айтишни таржиҳ этганлар.
«Энг гўзал салавотлар» рисоласидан
Ушбу рисола Ўзбекистон Республикаси Дин ишлари бўйича қўмитанинг 2021 йил 29 октябрь 03-07/6661-сонли хулосаси асосида чоп этилган.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
