Қабрларни зиёрат қилиб, ибрат олган ҳолда қалбни юмшатиш | Йигирма тўртинчи ҳақ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Қабрларни зиёрат қилиб, ибрат олган ҳолда қалбни юмшатиш. Пайғамбаримиз соллаллоҳу алайҳи васаллам:
“Сизларни қабрларни зиёрат қилишдан қайтарган эдим, (энди) қабрларни зиёрат қилинглар. Чунки у дунёдан парҳезкор қилиб, охиратни эслатади”, деганлар.
Шунингдек, яна бир ҳадисда: “Ўлик қабрда дарёга тушиб, мадад ва қутқарувчи кутган кишидекдир. У ўзига отасидан ёки онасидан ёки туғишганидан ёки дўстидан етадиган дуога интизор бўлади. Агар ана шундай дуо унга етадиган бўлса, унга бу дунё ва ичидаги неъматлардан кўпроқ суюкли бўлади”, дейилган.
Яна Набий алайҳиссалом: “Ҳар ким қабристонга бориб ўн бир марта Ихлос сурасини ўқиб, сўнг ҳосил бўлган савобни (ўша жойдаги) ўликларга бағишласа, у кимсага ўша ўликлар сонича савоб берилади”, деганлар.
Абдулҳамид Зайриевнинг “Мусулмоннинг ҳақ ва вазифалари” китобидан
Ўзбекистон Республикаси Дин ишлари бўйича қўмитанинг 2023-йил 16-январдаги 03-07/184-сонли хулоса хати асосида тайёрланди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
