Нечун қулликни зиммангга олмассан?!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ борлигига келтиргансан иймон.
Лек ўз ҳолингга асло назар солмассан.
Билгинки, Аллоҳга қул эрур инсон.
Нечун қулликни зиммангга олмассан?!
Буюрилган бир кунда беш вақт намоз.
Ўйламагин ҳеч ҳориб, толмассан.
Аллоҳ учун ҳам вақт ажратгин бироз.
Нечун қулликни зиммангга олмассан?!
Очлик шифохонасига даво деб ётиб.
Лек рўза тутишга сабр этолмассан.
Яна Аллоҳнинг раҳматини кутиб.
Нечун қулликни зиммангга олмассан?!
Аллоҳ раҳмли кечиради дея,
Масиятлар этишга уялмассан.
Қаҳридан ҳам бироз қўрқсангчи-я!
Нечун қулликни зиммангга олмассан?!
Ёлғонсиз савдони этолмай тасаввур.
Гўёки рост гап билан сотолмассан.
Тилинг борлигига айлабон шукур,
Нечун қулликни зиммангга олмассан?!
Олтиндан ҳам қиммат тургайдир иймон.
Нечун ундан фойдаланиб қолмассан?!
Тавба қилмоқликка борида имкон,
Нечун қулликни зиммангга олмассан?!
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
