Агар аёлнинг рўмоли нафасини сиқса...
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Агар аёлнинг рўмоли нафасини сиқса, аёл рўмолини орқага қаратиб ўраши мумкинми?
Бундай ҳолатларда билиш керакки, шариат бўйича аёл кишиларга авратни беркитиш жорий қилинган. Аёл кишининг юзи ва икки қўли кафтидан бошқа жойи аврат бўлиб ҳисобланади. Энди рўмолни нафас сиқиш маъносини билиб бўлмайди, агар қаттиқ боғлаганидан сиқаётган бўлса сал бўшатиб боғлаб олиши мумкин. Агар ўша рўмол умуман боғланмасдан ҳам шундай турганида нафасини сиқадиган бўлиши менимча мутлақо мумкин эмас. Чунки, бу енгил нарса, ҳаво ўтказадиган нарса, томоғини олдига демак, кўкрак тарафига тушуриб олган бўлса ёки боғланган бўлса нафасни сиқиши мутлақо ҳаёлга келмайдиган нарса. Фаразан шу саволдаги гапдан айтиб тушунадиган бўлсак, нафасини сиқиб ўшандан соғлиги зарар топадиган бўлса ёки бир йўли нафас ола олмасдан ҳалокатга учрайдиган бўлса, албатта ҳалокат ёки соғлигини талофат кўришини сақлаш мақсадида у нарсани орқага қаратиши мумкин, бу шариатда рухсат берилган нарса.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
