Фолбин рост гапирса, унинг гапига ишониш керакми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол:
Ассалом алайкум. Сизга берадиган саволим куйидагича. Авваллари ҳам бу сайтда маслахат сўраб ёзган эдик. Эрим томонидан гуноҳ иш ўтганлиги сабабли масжидга бориб қилинган гуноҳ учун тавба қилган эдик. Аммо менинг кечиришим кийин бўлди, ажрашмокчи ҳам бўлдим. Масжиддаги домла менга 1 ой давомида хар куни 100 мартадан ихлос суръасини ўқишимни ва ажрашиш кароримдан кайтишимни буюрган эдилар. Лекин айтдилар, агар ихлос суръасини айтилган муддат ичида ўқимасам жазоси оиламга ёки ўзимга таъсир қилиши мумкин деб. Бошида ушбу дуоларни ўқиб юриб хақиқатдан да енгил топдим. Лекин айтилган ишни охиригача қилмадим. Аллоҳга шукур ҳозир яшашимиз яхши. Аммо 1 ойча бўлди кичик фарзандимнинг чап кузида «кетиб қолиш» кузатила бошланди. Жуда ҳам йиглоқи, 1, 5 ёш бўлса да бирорта сўзни гапиролмайдиган, бир нарсалардан қўрқадиган бўлиб қолди. Духтирга курсатдик, у бизга дориларни буюрди. Аммо уларнинг натижаси хали билинмади. Бугун еса бир ёмон иш қилиб куйдим. Бир кушним менга бир фолбин борлигини, телефондан ҳам фол оча билишини айтди. Кизимнинг соглиги ҳақида суряман деб унга қунгироқ қилдим. Фолбин аёл узимдан бошқа хеч ким билмайдиган нарсаларни, хаттоки буйнимдаги такинчогим, танамнинг огриётган ерлари ҳақида ҳам менга айтди. Кизимнинг кузи ҳақида ҳам айтди, . Бунинг сабабини еса бизнинг масжидга бориб, қилишимиз лозим бўлган ишни охиригача етказмаганлигимиз сабабли деди (вахоланки мен бу хакда умуман хеч қаерда гапирмаган эдим) ва 1 ой давомида 3 марта масжидга бориб домлага дам солдиришимизни айтди. Илтимос, ушбу хакда сизнинг фикрингизни билмоқчи эдим. Фолбиннинг гапига ишониш керакми? Умуман унинг айтган гаплари тўғрими?
Жавоб:
Шайх Муҳаммад Содиқ Муҳаммад Юсуф
— Расулуллоҳ соллаллоҳу алайҳи васаллам фолбинлар рост гапирсалар ҳам
ёлғончи эканларини таъкидлаганлар. Сиз унинг гапини тасдиқламанг. Катта гуноҳ
бўлади. Шифони Аллоҳ таолонинг Ўзидан сўранг.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
