Онтариода ислом маданияти ойи нишонланмоқда
Уч йилдан буён – ҳар йили октябрь ойида Канаданинг Онтарио провинциясида ислом мероси ойи нишонланиб келинади. Бу ҳақда About Islam нашри хабар берди.
Анъанага мувофиқ бу йил ҳам шундай бўлди. Оттава муслималари ташкилоти (Ottawa Muslim Women’s Organization)нинг айтишича, ушбу акциядан кўзланган мақсад, ислом маданиятини оммалаштириш, дин масалалари ва мусулмонларнинг яшаш тарзи ҳақида маҳаллий аҳолининг дунёқарашини ўзгартиришдан иборат. Хусусан, мазкур акция ташкилотчиси ҳам Оттава муслималари ташкилоти (Ottawa Muslim Women’s Organization) ҳисобланади.
Шунингдек, дастурдан бадиий кўргазмалар, қўлга хинадан нақшлар тушириш амалиёти, мусулмонларнинг анъанавий миллий кийимларидаги йиғилиш, зиёли инсонлар билан учрашувлар ўрин олган. Аммо тадбирнинг энг муҳим воқеаси «Ислом маданияти: Ҳиндистон ва Яқин Шарқ» (2007) ҳужжатли фильмининг намойиш қилиниши бўлади. Унда адабий танқидчи Вальдемар Янушчак ислом тасвирий ва меъморчилик санъатининг ажойиб тарихи ва нафосатини тадқиқ қилади. У билан бирга томошабин дунёнинг ўрта асрлар харитасида ислом қандай қилиб тарқалиб боргани ҳақида тасаввурга эга бўлади.
Шуни таъкидлаш жоизки, айни пайтда Канадада мусулмонлар сони бир миллиондан ортган.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
