Саудияда Ҳаж ишлари бўйича янги вазир тайинланди
Саудия Арабистони қироли Салмон бин Абдулазиз Ал-Сауд жума куни қиролликнинг ҳаж ишлари бўйича янги вазирини эълон қилди. Al Arabiya телеканалининг хабарига кўра, Эссам бин Саъад бин Саид ушбу лавозимга тайинланган.
Таъкидланишича, янги лавозим Вазирлар Кенгаши аъзоси бўлган бин Саиднинг вазифаларига қўшимча бўлади.
Подшоҳнинг фармонига биноан аввалги Ҳаж ишлари вазири Муҳаммад Солиҳ Бинтен лавозимидан озод этилган. Унинг истеъфосининг сабаби ҳозирча расмий ҳолатда ошкор этилмаган.
Эслатиб ўтамиз, коронавирус пандемияси билан боғлиқ равишда 2020 йилда хорижий зиёратчилар учун ҳаж тақиқланган эди. Хориждан инфекция олиб кириш хавфи сабаб қиролликда яшовчи атиги 10 минг мусулмонлар Ҳаж маросимида қатнашган.
Расмий маълумотларга кўра, 2019 йилда зиёратчилар сони 2,5 миллионни ташкил этган. 2021 йилда Ҳаж ишлари вазирлиги қандай сиёсатни олиб бориши ҳали аниқ эмас. Эҳтимол коронавирусга қарши эмланганларгина Ҳаж зиёратини адо этишига рухсат берилар.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
