“Аллоҳим! Мени фақирликдан бой қил!”
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Имом Табароний ривоят қилган ҳадисда Абдуллоҳ ибн Аббос розияллоҳу анҳу:
«Расулуллоҳ соллаллоҳу алайҳи васаллам: «Аллоҳнинг дуо қилса қабул бўлишига сабаб бўладиган исми аъзами «Қулиллоҳумма мааликал мулки...» оятидир», деганлар», деб айтганлар.
Яна ўша кишидан ривоят қилинади:
«Фотима розияллоҳу анҳо Набий соллаллоҳу алайҳи васалламнинг ҳузурларига келиб, ходим сўради. Шунда у зот унга:
«Аллоҳумма, Роббас-самааваатис-сабъи ва Роббал-аршил-азийм. Роббанаа ва Робба кулла шайъин, мунзилат-таврооти вал-инжийли вал-Қуръаани! Фаалиқол ҳабби ван-наваа! Аъуузу бика мин шарри кулли шайъин анта аахизун бинаа-сийатиҳи, антал-Аввалу фа лайса қоблака шайъун. Ва антал-Аахиру фа лайса баъдака шайъун. Ва ан-таз-Зоҳиру фа лайса вафқока шайъун. Ва антал-Баатину фа лайса дуунака шайъун! Иқзи ъанни ад-дайна ва ағнинии минал-фақри» дегин», дедилар».
Муслим ва Термизий ривоят қилишган.
Дуонинг маъноси:
«Аллоҳим! Эй етти осмоннинг Робби ва улуғ Аршнинг Робби! Эй Роббимиз ва барча нарсанинг Робби! Эй Таврот, Инжил ва Қуръонни нозил қилувчи! Эй донни ва данакни ёрувчи! Мен Сендан Ўзинг пешонасидан тутувчи ҳар нарсанинг шарридан паноҳ тилайман. Сен аввалсан! Сендан олдин ҳеч нарса йўқ! Сен охирсан! Сендан кейин ҳеч нарса йўқ! Сен зоҳирсан! Сендан устун ҳеч нарса йўқ! Сен ботинсан! Сенинг ортингда ҳеч нарса йўқ! Мени қарзимдан қутқар! Мени фақирликдан бой қил!»
Қарзи бор ва фақирликка учраган одамларга ушбу дуони ўқиб юриш тавсия этилади.
“Қарз ва унга боғлиқ масалалар” китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
