Абу Солиҳ Маъруф ибн Мансур ас-Сибадмуний пешқадам олимлардан. Ироқ, Ҳижоз ва Шомда бўлиб, улуғ уламолардан таълим олганлар. Суфён ибн Уяйна, Марвон ибн Муовия, Абу Абдуллоҳ ибн Абу Ҳафс, Асбот ибн Ясаъ ва Аҳмад ибн Лайсдан ҳадис ривоят қилганлар. Ўзларидан эса Абу Ҳафс Аҳмад ибн Юнус ал-Бухорий, Абу Бакр Аҳмад ибн Асад ас-Сибадмуний ва Муҳаммад ибн Юсуф ҳадис ривоят қилганлар.