Диний таълим муассасаларига кириш имтиҳони қайси фанлардан ўтказилади?
2026-2027 ўқув йилида Ўзбекистон мусулмонлари идораси тасарруфидаги олий ва ўрта махсус ислом таълим муассасаларига кириш имтиҳонлари қуйидаги фанлар бўйича ўтказилади:
Тошкент ислом институти, Мир Араб олий мадрасаси ва Имом Термизий номидаги ислом институти учун:
Араб тили (тест синови) 30 х 3,1 – 93 балл;
Фиқҳ ва ақоид (тест синови) 30 х 2,1 – 63 балл;
Ўзбекистон тарихи (тест синови) 30 х 1,1 – 33 балл.
Ҳадис илми мактаби учун:
Араб тили (тест синови) 30 Х 3,1 – 93 балл;
Ҳадис ва Мусталаҳул ҳадис (оғзаки, ижодий имтиҳон) – 63 балл;
Ўзбекистон тарихи (тест синови) 30 Х 1,1 – 33 балл.
Ўрта махсус диний таълим муассасалари учун:
Хорижий тил (тест синови) 30 х 3,1 – 93 балл;
Ўзбекистон тарихи (тест синови) 30 х 2,1 – 63 балл;
Она тили ва адабиёт (Ўзбек тили бўйича) (тест синови) 30 х 1,1 – 33 балл.
Абитуриентлар кириш имтиҳонларга тайёргарлик кўриш учун дарслик ва адабиётлар рўйхати ҳам эълон қилинади (1-илова).
Шунингдек:
Ўрта махсус ислом таълим муассасаларига кириш имтиҳонларида белгиланган хорижий тил бўйича камида B2 даражасидаги миллий ёки халқаро сертификатларга эга бўлган абитуриентларга ушбу фандан имтиҳонларсиз белгиланган максимал балл тақдим этилади (2-илова).
Имом Бухорий номидаги Тошкент ислом институти магистратура босқичига ўқишга кириш истагидаги талабгорлардан хорижий тилдан Араб тили бўйича камида C1 даражасидаги миллий ёки халқаро сертификат талаб этилади.
Эслатма:
Ўрта махсус ислом таълим муассасаларига кириш имтиҳонларида Ўзбекистон тарихи ҳамда она тили ва адабиёт (ўзбек тили) фанлари бўйича миллий сертификатга эга абитуриентлар учун имтиёз қўлланилмайди. Ушбу фанлар бўйича барча абитуриентлар тест синовларида тўлиқ қатнашади.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
